Saša Petrović profesionalnu karijeru započeo je u OFK Titogradu. Nakon jedne sezone u timu sa Cvijetinog brijega pojačao je Budućnost, u kojoj je proveo naredih pet sezona. U sezoni 1989/90. branio je za Sutjesku, da bi se nakon toga ponovo vratio pod Goricu gdje je proveo još četiri godine.
Internacionalnu karijeru počeo je u Kini, gdje je branio boje Jinana. Nakon Kine, uslijedila je selidba u Južnu Koreju gdje je dvije sezone nastupao za Čunam dragonse. Poslije Azije, na red je stigla i Evropa, odnosno Španija gdje je branio za Elče. Poslednje dvije sezone profesionalne karijere Petrović je proveo u kinseskom Šandong Lunengu.
Za reprezentaciju je odigrao samo jedan meč i to protiv Tunisa, 28. januara 1998. godine.
